Detaje të reja kanë dalë në dritë në lidhje me zhdukjen misterioze të 34-vjeçarit Eglant Koçit. Ndërkohë që Armand Shakaj, autori kryesor i dyshuar për zhdukjen e të riut ndodhet ende në kërkim, agjentët e krimeve të rënda në Tiranë kanë marrë sërish në pyetje të arrestuarin Enea Zyferin.
25-vjeçari është kamarieri i Shakajt, i cili është arrestuar si bashkëpunëtor në zhdukjen e Koçit. Sipas burimeve Zyferi ka deklaruar se nuk di asgjë në lidhje me rrëmbimin dhe zhdukjen e 34-vjeçarit.
Madje në dëshmi ka thënë se pronari i tij Armand Shakaj, i ka kërkuar që të fikë dritat pasi do të nxirrte një frigorifer të madh. Pikërisht për grupin hetimor ky ka qenë momenti që i arrestuari dhe i shpallur në kërkim kanë nxjerrë trupin e pajetë të Eglant Koçit.
Megjithatë ende zyrtarisht policia nuk e ka konfirmuar që 34-vjeçari është vrarë, por ky është një dyshim i fortë pët hetuesit. Paraditen e kësaj të mërkure togat e zeza lanë në burg 25-vjeçarin e arrestuar.
Ndërkohë në lokalin ku dyshohet se është zhdukur i riu, policia nuk ka gjetur pamje të kamerave të sigurisë, pasi mendohet që të jenë hequr nga Shakaj, përpara se ai të arratiset.
Megjithatë janë disa pamje të tjera, ku duket 41-vjeçari, i cili merr motorin e të zhdukurit dhe e parkon një një vend tjetër, kjo për të larguar vëmendjen e policisë. Megjithatë disa pamje e kanë filmuar në kthim ku dallohet qartë fytyra e tij.
Burime gjithashtu bëjnë me dije se nga këqyrja e disa kamerave të tjera shikohet Armand Shakaj duke tërhequr diçka në dukje qesë e zezë të cilën e ka futur në makinë dhe është larguar. I ndjekur nga qelizat telefonikë rezulton që ai të ketë udhëtuar në drejtim të zonës së Dajtit. Pikërist në këtë zonë malore që kufizohet Tirana me Dibrën dhe Librazhdin janë fiskuar dhe qelizat telefonike të autorit të dyshuar. Në këtë zonë po kryhen kotrolle pasi dyshohet të jetë fshehur trupi.
Pista kryesore është që Eglant Koçi të ketë patur përplasje me Armand Shakaj për shkak të shumave të mëdha te parave të përfituara nga kriptomonedhat. Ka dyshime të forta qe Koçi të ketë marrë një shumë të madhe parash nga valutat digjitale. Eglant Koçi është zhdukur mbrëmjen e 4 qershorit, ndërsa familjarët e tij kanë bërë kallëzim një ditë më pas në polici.
Jo vetëm vendin ku mendohet të jetë vrarë i riu, por policia ka gjetur dhe makinën e Armand Shakajt, makinë që dyshohet gjithashtu se ka traportuar trupin e të riut pasi është rrëmbyer në lokalin e 41-vjeçarit. Për shkak se brenda makinës janë gjetur njolla gjaku, të cilat janë dërguar në laborator për ekspertizë, blutë kanë dyshime se i zhdukuri mund të jetë eliminuar nga shoku i tij Armand Shakaj.
