Nata e tetëmbëdhjetë e spektaklit, “Ferma VIP”, solli emocione të forta, përplasje, rrëfime prekëse dhe zhvillime që ndryshojnë rrjedhën e lojës drejt finales së madhe.
Prime nisi me një lajm të shumëpritur nga të gjithë. Finalja e madhe e “Ferma VIP 3” do të mbahet më datë 15 qershor. Përveç çmimit të madh, katër finalistët e tjerë do të shpërblehen me nga 10 mijë euro secili, ndërsa gara u bë edhe më e fortë pas njoftimit se Agai ka fshehur në fermë plot 10 mijë euro të groposura nën tokë.
Një nga momentet që dominoi spektaklin ishte letra e Indrit për Vanesën, historia e shumëkomentuar e së cilës kishte mbajtur publikun pezull prej ditësh. Aktori konfirmoi fundin e raportit të tyre, duke deklaruar se largësia i kishte bërë më të qarta ndjenjat.
Rreshtat e lexuar Live shkaktuan debat të madh në studio dhe brenda fermës, veçanërisht nga Sara, e cila e cilësoi sjelljen e tij manipuluese dhe të papranueshme.
Tensioni i televotimit, ka mbajtur në ankth gjatë këtyre ditëve 12 fermerët që ishin në nominim. Në fund ishte publiku ai vendosi që rrugëtimi i Blerina Bajkos të përfundonte. Eliminimi i saj surprizoi fermerët, ndërsa largimi pa përshëndetur askënd la pas heshtje dhe reagime të forta brenda fermës.
Megjithatë edhe pse u eliminuaa tre javë para finales, pas daljes fermerja e cilësoi këtë eksperiencë si një nga më të bukurat e jetës së saj.
Mes debateve dhe tensioneve, spektakli solli edhe një nga momentet më emocionale të këtij sezoni. Inida Gjata preku publikun me rrëfimin për djalin e saj 3-vjeçar, Amon, i diagnostikuar me spektrin autik. Mes lotësh, Zhaku tregoi sfidat dhe forcën e vogëlushit të saj, ndërsa një letër nga partneri i saj Kristian e emocionoi edhe më tej atmosferën në studio.
Ndërkohë, përplasjet mes Ilirit, Mozës dhe Zhakut sollën masa të forta nga Agai. Moza dhe Zhaku u dërguan tek Fakiri për thyerje rregullash dhe mosangazhim në fermë, ndërsa Iliri u izolua në një tendë jashtë shtëpisë për shkak të gjuhës fyese të përdorur gjatë debateve. Agai paralajmëroi se çdo shkelje tjetër deri në finale mund të sjellë përjashtim të menjëhershëm.
Me finale tashmë të shpallur, “Ferma VIP 3” hyn në javët më vendimtare, aty ku aleancat, debatet dhe emocionet pritet të jenë më të forta se kurrë. Ndaj ju mund të vazhdoni t’i ndiqni live 24 orë në 7 ditë të javës, si dhe në përmbledhjen ditore në orën 17.00 në ekranin e Vizion Plus.
/vizionplus.tv
