Detaje të reja kanë dalë në dritë nga ngjarja e rëndë e regjistruar në Shkodër, ku është dhunuar me sende të forta kreu i AKU-së, Ramir Haderi.
Bepin Kolvata, korrespodent i Vizion Plus, raportoi live nga Shkodra në emisionin QUO VADIS se ngjarja ka ndodhur në lagjen Rus.
Lexo edhe :
Haderi kishte vetëm pak minuta që kishte përfunduar mbledhjen me stafin dhe në momentin që po shkonte drejt biznesit të tij, është sulmuar nga disa persona.
Si pasojë e goditjeve, ai ka marrë plagë në zonën e kokës, afër vetullës dhe aktualisht ndodhet në spital ku po merr mjekim.
Sa i përket gjendjes shëndetësore, Kolvata raporton se kreu i AKU-së fatmirësisht nuk ka pasoja për jetën.
Pjesë nga biseda:
Borakaj: Çfarë ka ndodhur në Shkodër?
Bepin Kolvata: Është goditur me sende të forta kreu i AKU-së Shkodër, Ramir Haderi. Ngjarja ka ndodhur në lagjen Rus. Kishte vetëm pak minuta që kishte përfunduar mbledhjen me stafin. Në momentin që ishte duke shkuar drejt bizneses së tij, disa persona e kanë goditur. Ka marrë plagë në zonën e kokës, afër vetullës. Ndodhet në spital ku po merr mjekim. Ka nisur hetimi. Aktualisht do merret edhe një dëshmi e drejtorit të AKU-së, por edhe kamerat e zonës për të zbardhur ngjarjen. Dyshimet lidhen për shkak të punës së tij.
Borakaj: Si është gjendja shëndetësore?
Bepin Kolvata: Nuk ka pasoja për jetën. I është bërë kontrolli dhe një skaner, dhe fatmirësisht nuk ka dëmtime të rënda. Do të mbetet për t’u parë në orët në vijim edhe nga dëshmia nëse ka identifikuar ndonjë nga autorët. Dyshimet janë se kjo dhunë ka ardhur për shkak të detyrës. Haderi ka më shumë se një vit që ushtron detyrën e AKU-së.
/vizionplus.tv
