Ish-drejtoresha e Tatimeve, Brisida Shehaj, e ftuar në studion e emisionit “Quo Vadis” të moderatores Pranvera Borakaj, ka rrëfyer historinë se si nisi karriera e saj brenda Partisë Socialiste dhe si erdhi propozimi për të kaluar në krye të Drejtorisë së Tatimeve.
Biseda:
Shehaj: Ndryshe nga tani që e marrin vesh në Asamble që do bëhen drejtorë, unë e dija shumë kohë më përpara.
Borakaj: Si erdhi propzimi? Sa kohë kishit në PS?
Shehaj: Unë në PS e kam nisur që me FRESH-in. Në vitin 2011, Rama po kërkonte në ato moment të hapte partinë, në tetor vendoset që të riformatohet Asambleja. U përzgjodhën shumë individë të rinjë, një prej ta isha unë me propozim të Ditmir Bushatit. Nuk e kam dashur, Ditmir Bushati e ka bërë me kokën e vet, për shkak të bashkëpunimit që kishim. Unë më pas nga Asambleja Kombëtare, nuk kam kërkuar të kem funksione, edhe pse nga Rama më janë propozuar. E vetmja gjë që unë kam kërkuar prej Edi Ramës ka qenë të merrja përsipër Njësinë nr.3, ishte njësia ku unë banoja dhe në atë kohë pati disa probleme. Ishte shumë problematike, unë e mora përsipër, e madje Rama qeshte.
Borakaj: Ta besoi?
Shehaj: Patjetër që po, nuk ishte e diskutueshme.
