“Albana Koçiu për mua është zhgënjimi im më i madh”. Kështu u shpreh Brisida Shehaj gjatë një interviste për Quo Vadis, teksa komentoi situatën politike në vend.
Ish drejtoresha e Tatimeve theksoi se me Koçiun ka pasur një miqësi të hershme, që nuk kishte lindur prej politikës. Por sot që Shehaj është në gjyq me kryeministrin Rama, Koçiu nuk i flet.
Shehaj madje shton se shumë persona të tjerë nuk i flasin as kur e shohin në rrugë, nga “frika” se mos e merr vesh kryeministri Rama.
“Edi Rama e mori PS pikërisht për ta shfrytëzuar, për të arritur qëllimet për të drejtuar me këtë lëmin që solli nga bashkia. Ja pamë Ballukun, Ogertën. Albana Koçiu për mua është zhgënjimi më i madh personal. E kam patur shumë mikeshë që herët, nuk më lidhte pushteti. Dhe këtu ti kupton se me çfarë ke të bësh. Bën debat me Edi Ramën, i ke miq e shok prej 20 vitesh, nuk të flasin më. Nuk të flasin në rrugë, se në telefon të të pyesin si je me shëndet, jo një herë. Ka ca trima, që të shohin në rrugë dhe të çojnë mesazh më vonë, na fal se ishim në rrugë. Njerëzit që nuk të flasin janë shtrirë edhe në Rilindje, se i merr vesh Edi Rama dhe i qorton”, tha Shehaj.
