Ish-drejtoresha e Tatimeve, Brisida Shehaj, e ftuar në studion e emisionit “Quo Vadis” të moderatores Pranvera Borakaj, ka rrëfyer periudhën kur ajo u vendos në krye të Drejtorisë së Tatimeve dhe për gjithë sulmin, me të cilin iu desh të përballej gjatë periudhës 3-vjeçare, gjatë të cilës ushtroi detyrën.
Shehaj thekson se sulmet që vinin nga sulmet ndaj saj vinin nga brenda PS, teksa shtoi se ato ndikonin negativisht në gjendjen e familjarëve të saj.
Ajo shton se e kuptoj rëndësinë e punës së saj në momentin që sulmet sa vinin dhe shtoheshin.
Biseda:
Shehaj: Nëse do më pyesësh nëse e prisja çmendurinë që ndodhi, agresivitetin, llumin, mllefin që nuk më kursyen as ata që janë atje, pranë Zotit, do të thoja “jo nuk e prisja”. Nuk e prisja sepse ajo që ndodhi me mua nuk ka ndodhur me askënd. Nuk e mendoja dhe nuk e prita kurrë. Ishte e pakonceptueshme sepse e para, unë nuk kisha të bëja asnjëherë më parë me mediat. Por sigurisht ishte e dhimbshme, jo për mua, por për pjesën tjetër të familjes.
Borakaj: Cila ishte gjëja që të lëndoi më shumë?
Shehaj: Nuk lidhet me mediat fare. Ajo që unë refuzoja të kuptoja aso kohe, që isha vetëm 30 vjeç. Ishte llumnaja brenda Rilindjes. Aso kohe ishte akoma Partia Socialiste, por më vonë kuptova që ishte kjo llumnaja e Rilindjes që kishte nisur herët të gëlonte në PS. Atë luftën brenda llojit nuk e kuptova kurrë, por isha shumë e lumtur për një arsye: Sa më shumë ata më luftonin, aq më shumë kuptoja që po bëja atë që duhet.
