Ish-drejtoresha e Tatimeve, Brisida Shehaj, e ftuar në studion e emisionit “Quo Vadis” të moderatores Pranvera Borakaj, është prekur teksa ka rrëfyer përjetimet e familjes së saj dhe gjithë sulmet që iu desh të përballonin në kohën kur ajo u emërua në krye të Drejtorisë së Tatimeve dhe gjatë gjithë periudhës që shërbeu në atë post.
“Kur lexoj që “babai i saj ish-punonjës i Sigurimit”, babai im nuk ka qenë kurrë pjesë”, tha Shehaj, teksa deklaroi më tej se i at ii saj ka qenë kategorikisht kundër që ajo të merrte drejtimin e Tatimeve dhe të merrej me politikë.
Biseda:
Shehaj: Të vetmen gjë që nuk fal dhe që s’kam për ta falur kurrë,, është të lexoj emrin e nënës dhe të babait në media. Kur vendosin të godasin një individ shkojnë te familja gjithmonë. Kur lexoj që “babai i saj ish-punonjës i Sigurimit”, babai im nuk ka qenë kurrë pjesë.
Borakaj: Ju dhanë ndonjë këshillë kur morët detyrën?
Shehaj: Im atë ka qenë kategorikisht “jo”. Nuk donin sepse e njihnin pjesën politike, më njihnin mua. Unë nuk jam njeri i kompromiseve, nuk jam njeri politik. E dinin që do përfundonte e atillë. Babai më tha vetëm një gjë: me mendtë në kokë sepse kjo derë lexon Ibrahim Sehit Shehaj, nuk lexon Brisida Ibrahim Shehaj. Më dhemb që për fajin tim të lakoheshin.
