Gazetari dhe analisti Poli Hoxha, duke analizuar situatën politike në vendin tonë, tha se të gjitha lëvizjet që politikanët shqiptarë po bëjnë jashtë vendit përdoren për konsum të brendshëm.
Sipas tij, edhe zoti Berisha, i cili shkoi në Strasburg, fliste nga korridoret dhe ua shiti shqiptarëve sikur fliste në konventën e PPE-së.
Pjesë nga biseda:
Hoxha: Çdo gjë këtu bëhet për përdorim të brendshëm. Kemi arritur në një fazë ku gjithçka bëhet brenda për brenda, qoftë edhe duke dërguar mesazhe drejtësisë.
Borakaj: Për përdorim të brendshëm?
Hoxha: Lobim jashtë për përdorim të brendshëm. E njëjta situatë është edhe me zotin Berisha. Shkoi në Strasburg, fliste në korridor aty. Kalonin njerëz dhe ai thoshte “zoti kryetar”. Zoti Rama ka shpresa për një lloj negociate për fatin e vet.
