Presidenti i Shteteve të Bashkuara, Donald Trump ka tërhequr ftesën ndaj Kanadasë për t’iu bashkuar Bordit të Paqes.
Ky vendim i kreut të shtëpisë së Bardhë erdhi pas fjalimit të kryeministrit të Kanadasë, Mark Carney, në Forumin Ekonomik Botëror në Davos, i cili kritikoi hapur shtetet e fuqishme, duke thënë se ato e përdorin integrimin ekonomik si armë dhe tarifat si mjet trysnie.
“Ju lutem, le të shërbejë kjo letër për të njoftuar se Bordi i Paqes po e tërheq ftesën për ju në lidhje me anëtarësimin e Kanadasë në atë që do të jetë bordi më prestigjioz i udhëheqësve të mbledhur”, tha Trump.
Bashkimi Evropian është treguar skeptik per Bordin e Paqes. Mes vendeve refuzuese është dhe Greqia, ndërsa kryeministri Mitsotakis shprehu shqetësimet kryesore.
“Konsensusi është se ajo që është njoftuar nga Donald Trump shkon shumë përtej mandatit të Këshillit të Sigurimit të OKB-së.Mendoj se duhet ta pranojmë se ecja përpara e asaj që është vendosur është diçka në të cilën shumica e vendeve evropiane nuk mund të bashkohen”, tha Mitsotakis.
Mitsotakis tha se SHBA-të duhet të përfshihen në rindërtimin e Gazës, por sipas tij plani duhet të jetë vetëm për Gazën” dhe për një kohë të kufizuar.
