Në prononcimin per mediat pas perfundimit të mbledhjes urgjente të Shtabit të Emergjencave Civile në Prefekturën e Fierit , drejtuesja politike e qarkut Belinda Balluku, ka pohuar se janë diskutuar me hollësi të gjitha detajet për planin e masave pêr situatën e krijuar nga reshjet veçanërisht në zonat problematike , ku ka toka bujqësore , dhe banesa nën ujë .
Më problematike në qark paraqitet situata në bashkinë e Fierit , ndërkohë që edhe në Mallakastër është bërë evakuimi i një familjeje që rrezikonte.
Vendimtare mbeten 8 orët e ardhshme ku situata po mbahet nën monitorim të plotë ka pohuar Balluku, teksa ka theksuar se në qarkun e Fierit fatmirësisht nuk ka patur dëme në bagëti , pasi janë evakuuar në kohë rekord. ndërkohë që ka pohuar gjithashtu se një vëmëndje të veçantë në diskutime ka patur strehimi i të evakuuarve , por edhe faza e paspërmbytjes që ka të bëjë me dëmshpërblimin e dëmeve proces që do të kryhet nga bashkitë në bazë të akteve ligjore për fatkeqësitë natyrore.
