Zv.Ministri i Bujqësisë dhe Zhvillimit Rural, Arian Jaupllari thotë se skema kombëtare e mbështetjes së bujqësisë i ka dhene rezultatet e saj, cka duket edhe nga fakti që këtë vit kanë aplikuar me mijëra fermere brenda një kohe të shkurter.
Skema kombëtare e mbështetjes për vitin 2023 ka filluar në datën 20 mars dhe po vazhdojnë aplikimet me një ritëm shumë të shpejtë dhe me një fluks i cili tregon që mbështetja nga skema kombëtare e ka dhënë rezultatin e saj dhe bindja e fermerëve te kjo skemë për të aplikuar e përfituar nga ajo e ka dhënë rezultatin.
Jaupllari shtoi se deri me tani numri i aplikanteve ka shkuar në 48 mijë për skemen e mbështetjes në bujqësi. Zv.Ministri garantoi se të gjithë aplikuesit do të jene fitues në skemë.
Vetëm në ditët e para shkoi në 15 mijë aplikime dhe sot numri i aplikimeve ka shkuar në 48 mijë fermerë. Fondi total është 3.3 miliardë lek në total dhe mendohet se në vitin 2022 ku u fillua me 3.1 miliardë lekë. Si pasojë e rritjes së numrit të aplikimeve e kërkesat e fermerëve, fondi nga 3.1 miliardë lekë shkoi në 5.1 miliardë lekë në total, duke përfituar nga 48 mijë fermerë 50% e tyre. Fermerët kanë besim tek skema dhe qeveria që nuk i ka lënë vetëm dhe këtë e tregon fluksi i aplikimeve. Nga 3.3 miliardë lekë që fillon skema, do alokohet fondi sipas mundësisë që të gjithë fermerët të përfitojnë.
