Zëvendës kryetari i FRPD-së, Lisander Hoxha ka dhënë dorëheqjen nga posti. Kjo dorëheqje vjen pasi emri i Hoxhës nuk u fut në listat për deputetë të Partisë Demokratike.
Hoxha argumenton në letrën drejtuar Këshillit Kombëtar të PD se dorëheqja duhet të shërbejë si revoltë ndaj padrejtësive që u bëhen të rinjve, për të cilët thotë se meritojnë vlerësim dhe mirënjohje.
Sipas tij, figura të spikatura të PD nga Tropoja dhe Saranda u përballën me një fenomen zhvlerësues aspak të nevojshëm, vetëm 6 muaj para zgjedhjeve.
Më tej, Hoxha shton në letrën e tij duke thënë se prej kohësh ka mbajtur qëndrime publike mbi rolin e Komisionit “Marku-Ruli” sa i takon transparencës së punës së tyre në raport me pritshmërinë e demokratëve.
“Në procesin e punës së tyre, figura të spikatura të PD nga Tropoja dhe Saranda u përballën me një fenomen zhvlerësues aspak të nevojshëm, vetëm 6 muaj para zgjedhjeve…Paqartësia e kësaj nisme dhe produkti i saj duhej të ishte objekt analize dhe diskutimesh në organet më të larta të PDSH, si Kryesia dhe Këshilli Kombëtar…”
