Një vatër zjarri është regjistruar sot në Poliçan, për të dytën herë brenda pak ditësh, në të njëjtën zonë, në kodrat përreth Uzinës së Armëve.
Flakët janë përhapur me shpejtësi, të favorizuara nga era dhe temperaturat e larta.
Në vendngjarje kanë shkuar tre mjete dhe 15 efektivë të Repartit Zjarrfikës të Beratit, në ndihmë të kolegëve të Poliçanit, për të normalizuar situatën. Po ashtu, në operacion janë angazhuar edhe forcat e ushtrisë.
Sipas burimeve nga terreni, zjarri ka përfshirë pjesën perëndimore të kodrës pranë Uzinës së Armëve, në afërsi të zonës B. Deri tani, situata nuk paraqet rrezik të drejtpërdrejtë, ndërsa flakët janë duke u vënë nën kontroll.
/vizionplus.tv
