Ka nisur nata e 13-të e Ferma VIP 3, spektaklit më të ndjekur në Shqipëri, në ekranin e Vizion Plus.
Nën drejtimin e Vita Production dhe producentes Holta Dulaku, Ferma VIP është kthyer në një nga formatet më të komentuara dhe më të ndjekura nga publiku shqiptar.
Mbrëmja e sotme pritet të sjellë emocione të forta dhe dinamika të shumta, teksa publiku do të vendosë për fatin e Fabjola pas incidentit të ndodhur në spektaklin e së hënës.
Votat e shqiptarëve do të përcaktojnë nëse ajo do të vazhdojë rrugëtimin në fermë apo do të largohet përfundimisht nga gara.
Nën moderimin e Arbana Osmani dhe me opinionistët Ermal Mamaqi, Einxhel Shkira dhe Armina Mevlani, spektakli premton surpriza, debate dhe shumë emocione këtë të premte.
Ndiqeni LIVE në Vizion Plus.
Për të gjithë ata që nuk kanë mundësi ta ndjekin përmes ekranit, transmetimi është i disponueshëm edhe në kanalin zyrtar në YouTube.
