Shtëpia e Marilyn Monroe në shitet për 2.8 milionë dollarë

Shtëpia që dikur i përkiste ikonës së Hollywood-it, Marilyn Monroe, në Palm Springs të Kalifornisë, është shitur për 2.810.000 dollarë.

Prona historike është blerë nga Violet Moran, një stiliste që jeton në këtë zonë dhe që ka shprehur entuziazmin për ta rinovuar banesën pa humbur karakterin e saj origjinal.

Sipas TMZ, pronarja e re synon ta përshtatë shtëpinë sipas nevojave të saj, duke ruajtur njëkohësisht estetikën dhe arkitekturën që e bëjnë atë të veçantë.

Moran dëshiron ta rikthejë pronën në gjendjen që meriton, duke respektuar historinë e saj dhe lidhjen me një prej yjeve më të dashura të kinematografisë botërore.

E vendosur në Palm Springs, banesa ka një sipërfaqe prej rreth 279 metrash katrorë dhe ka  katër dhoma gjumi dhe katër banjo.

Ajo karakterizohet nga tavanet e larta, hapësirat e bollshme për pritjen e miqve dhe një pishinë private, elemente tipike të vilave luksoze të kësaj zone të Kalifornisë.

Marilyn Monroe e zotëronte pronën në fillim të viteve 1960, një periudhë e rëndësishme në jetën e aktores.