Nga data 19 deri më 22 janar të vitit 2020, dy gazetarë kinezë kanë regjistruar fshehurazi këto pamje ekskluzive në Vuhan, ku duket qartë se si qeveria kineze ndaloi raportimin mbi sëmundjen.
Vetëm pas një viti, në pamundësi për ti transmetuar videot brenda Kinës, gazetarët ia dorëzuan materialin njësisë hetimore të rrjetit televiziv Al Jazeera.
Spitalet duken të tejmbushur me njerëz që presin radhën të testohen.
Pak ditë para se qyteti me 11 milionë banorë të hynte në një bllokim të plotë, kur numri zyrtar i rasteve ishte i ulët dhe qeveria kineze nuk kishte ndarë të dhëna mbi sëmundjen, kjo ka qenë situata në aeroporte.
Pak ditë përpara vitit të ri kinez i cili festohet në shkurt, ende nuk dihej se transmetimi nga njeriu te njeriu ishte i mundur, dhe miliona njerëz u larguan nga qyteti për ti shpëtuar izolimit.
Mungesa e komunikimit dhe transparencës nga qeveria kineze gjatë këtyre ditëve të para vendimtare shihet gjerësisht si një nga arsyet që virusi ishte në gjendje të përhapej aq shpejt, duke shkaktuar një nga pandemitë më të rënda në 100 vjet.
