Drejtori i Përgjithshëm i Policisë së Shtetit, Ardi Veliu thirri në një takim falënderues këtë të hënë grupin hetimor që u mor me zbardhjen e vrasjes së Behar Sofisë në Tiranë.
Veliu vlerësoi punën dhe bashkëpunimin mes organeve dhe vuri në dukje se puna e tyre nuk ka njohur orar për të vënë në pranga vrasësit me pagesë.
“E ndjej detyrim moral, por edhe përgjegjësi, që si Drejtor i Përgjithshëm i Policisë së Shtetit t’ju falënderoj dhe t’ju inkurajoj për punën e jashtëzakonshme profesionale, por edhe angazhimin fizik, pasi për 15 ditë rresht të gjithë ju keni punuar minimalisht 16 deri në 20 orë në ditë. Puna në grup, koordinimi i veprimeve, shkëmbimi i informacioneve dhe besueshmëria mes strukturave ka funksionuar maksimalisht, duke çuar në rezultatin final zbardhjen e ngjarjes, identifikimin, lokalizimin dhe kapjen e 4 vrasësve me pagesë.”
