Presidenti i Serbisë, Aleksandër Vuçiç, ka paralajmërua se vendin e tij e presin ditë të vështira.
Ai ka theksuar se nuk është aspak e lehtë që t’ju sqarojë qytetarëve informacionet që ka marrë, ndërsa pretendon se një kërcënim i drejtpërdrejtë ka ardhur ndaj interesave kombëtare të Serbisë.
“Serbinë e presin ditë të vështira. Në këtë moment nuk është e lehtë të thuhet se çfarë lajmesh kemi marrë në 48 orët e fundit… Ato kërcënojnë drejtpërdrejt interesat tona jetike kombëtare”, tha Vuçiç.
Ai theksoi se shumë shpejt do të publikojë të dhënat që ka.
“Në ditët në vijim do ta informoj popullin për të gjitha sfidat që na presin. Do të jetë e vështirë. Por ne do të luftojmë. Serbia fiton”, tha Vuçiç.
Vuçiç ka pritur sot edhe ambasadorët e Quintit, ndërsa nuk dihet se cila ishte arsyeja e këtij takimi.
