Këshilli i Sigurimit i OKB u mblodh në një takim urgjent për të dënuar me forcë përplasjet dhe trazirat e një dite më parë përgjatë kufirit izraelito-palestinez. Sekretari i Përgjithshëm i OKB António Guterres, ka kërkuar një hetim transparent mbi dhunën që la pas 16 viktima dhe më shumë se 1400 të plagosur.
Takimi u thirr nga Kuvajti, i cili së bashku me Turqinë, Egjiptin, Jordanin dhe vendet e tjera me popullsi kryesisht myslimane shprehën zemërimin e tyre lidhur me mënyrën se si ushtria izraelite reagoi kundër protestuesve duke përdorur tanke, bomba dhe të tjera armatime.
OKB i ka kërkuar Tel Avivit që menjëherë të kryejë hetime për vrasjet e protestuesve, duke i bërë thirrje asaj të respektojë normat ndërkombëtare të të drejtave të njeriut. Përfaqësuesi i Rusisë në OKB ofroi ndërmjetësimin e Moskës në zhvillimin e bisedimeve mes kryeministrit izraelit Benjamin Netanjahu dhe Presidentit të Autoritetit Palestinez Mahmud Abbas.
Protesta e ashtuquajtur ‘Kthimi i Madh’, është planifikuar të zgjasë 6 javë dhe pritet të arrije kulmin më 15 maj. Kjo ngre alarmin për një përshkallëzim tejet të rëndë të situatës në Rripin e Gazas.
Palestinezët kanë ngritur 5 kampe përgjatë kufirit për protestën. Ata kërkojnë që refugjatët qe kane ikur ne Izrael të lejohen të kthehen në shtëpitë e tyre. Por, Izraeli e cilëson protestën një mbulim për sulme terroriste dhe për shkelje masive të kufirit.
Në luftën e vitit 1948, nga vendi apo u dëbuan 700.000 palestinezë.
