Novruz Cenalia, efektivi 28-vjeçar i Shqiponjave që u vra dy ditë më parë në Fier, përcillet sot në banesën e fundit.
Në hollin e Teatrit “Bylis” është vendosur arkmorti me trupin e pajetë të efektivit, ku po kryehen homazhe nga familjarë, kolegë, qytetarë dhe zyrtarë të ndryshëm, për t’i dhënë lamtumirën e fundit.
Lexo edhe :
Related Posts
Të pranishëm në sallën e Teatrit kanë qenë ministri i Brendshëm Taulant Balla, kreu i Policisë së Shtetit Muhamet Rrumbullaku dhe kryebashkiaku i Fierit, Armando Subashi.
28-vjeçari Cenalia mbeti i vrarë dy ditë më parë, 13 maj, pas një konflikti me Azgan Mërnicën. Ky i fundit qëlloi me armë efektivin pas sherrit për kalimin në rrugë. Mërnica ishte i shoqëruar nga e ëma, e cila ka parë gjithë ngjarjen.
Para hetuseve ajo tha se gjithçka ndodhi shumë shpejt, fillimisht pa të birin të konfliktohej me policin dhe më pas dëgjoi një të shtënë arme.
Pas krimit, Mërnica dhe e ëma u drejtuan për të shtëpia e dajës së 23-vjeçarit. Ky i fundit më pas braktisi makinën dhe u largua në këmbë. Edhe pse kanë kaluar dy ditë nga ngjarja, Mërnica nuk është kapur ende.
Polcia dhe foracat RENEA vijojnë kërkimet të cilat ditën e djeshme u përqendruan në qytetin e Gjirokastrës pasi kishte informacione se Mërncia ishte parë atje. Ka dyshime se ai mund të tentojë arratisjen jashtë vendit./vizionplus.tv
