Policia e Tiranës ka arrestuar tre persona, pasi akuzohen për vjedhje së pronës dhe pasurisë.
Në pranga kanë rënë Ilir Mikel Boja, 47 vjeç, i dënuar më parë për veprën penale “Armëmbajtja pa leje”; Elton Tafa Beu, 39 vjeç, i dënuar më parë për veprën penale “Vjedhja” dhe Egzon Mhilli Murati, 27 vjeç.
Ndërkohë, janë shpallur në kërkim tre të tjerë. Në total, janë sekuestruar 1 armë zjarri pistoletë, municion luftarak, mjete të cilat autorët i përdornin për kryerjen e vjedhjeve dhe sende të tjera të kundraligjshme.
Personat në fjalë akuzohen për 7 vjedhje të disa bizneseve.
* Më datë 06.06.2021, në Kodër Mëzes, në një firmë, dyshohet se kanë vjedhur kasafortën me një shumë parash;
* Më datë 12.08.2021, në autostradën Tiranë-Durrës, dyshohet se kanë vjedhur disa pajisje topografike;
* Më datë 18.08.2021, në një qendër tregtare, dyshohet se kanë vjedhur kasafortën e magazinës ku kanë marrë një shumë parash;
* Më datë 30.08.2021, në një firmë dyshohet se kanë vjedhur një shume parash;
* Më datë 17.03.2021, në rrugën “Vangjel Noti”, dyshohet se kanë vjedhur disa medikamente mjekësore në një firmë;
* Më datë 26.11.2021, në rrugën dytësore Tiranë-Durrës, dyshohet se kanë tentuar të vjedhin kasafortën në një firmë.
