Interneti dhe mediat sociale padyshim kanë ndihmuar në përhapjen sa më të shpejtë dhe masive të informacioneve rreth pandemisë së koronavirusit. Mungesa e internetit mund të të lërë në “terr informativ”, siç ka ndodhur edhe në Mianmar.
Sipas “CNN”, qindra-mijëra njerëz të bllokuar në afërsi të luftimeve të ashpra mund të mos dinë asgjë për COVID-19. Kjo pas një shkëputjeje vjetore të lidhjes së internetit, sipas grupeve që mbrojnë të drejtat e nejrëzve.
Qershorin e kaluar, qeveria e Mianmar ndërpreu konktatin me internetin në nëntë qytete për shkak të shqetësimeve se internet po përdorej për të ndezur përleshjet midis ushtrisë dhe kryengritësve të Mianmar.
“Human Rights Watch” dhe “Amnesty International” thonë se mbyllja e zgjatur po e vë jetën në rrezik, jo vetëm sepse po i ndalon njerëzit të raportojnë abuzime të mundshme të të drejtave të njeriut, por edhe sepse i ka shkëputur ata nga fushatat e shëndetit publik në lidhje me pandeminë.
Deputeti Htoot May tha të dielën se shumë njerëz që jetojnë në Rakhine dhe në Chin nuk po marrin njoftimet e autoriteteve shëndetësore që qarkullojnë në “Facebook”, aplikacionet e mesazheve dhe faqet e internetit të qeverisë.
“Kur i pyes njerëzit në zonën time elektorale nëse ata janë të vetëdijshëm për COVID-19, unë duhet t’ua shpjegoj pandeminë globale atyre që nga fillimi. Unë duhet t’u shpjegoj atyre se çfarë është distancimi shoqëror dhe si të praktikohet higjiena e duhur e duarve. Ata nuk kanë frikë nga COVID-19 sepse nuk dinë për të, në këtë fazë ata janë shumë më të shqetësuar për luftimet”, tha Htoot May.
Që nga e hëna, Myanmar kishte regjistruar gjashtë vdekje dhe 292 raste pozitive nga mbi 64.532 teste, sipas Ministrisë së Shëndetësisë së Mianmar.
