Një ditë pas një aksidenti në punë të shënuar në Golem të Kavajës, ku vdiq një punëtor në një objekt që po rikonstruktohej, forcat e policies kanë arrestuar një përfaqësues të firmës ndërtuese.
Shtetasi M.K. 37 vjec nga Durrësi u arrestua pasi dyshohet se ka shkelur rregullat e mbrojtjes në punë.
VIktima e ngjarjes së rëndë në objektin trekatësh në Golem, ishte pa kontrate pune dhe nuk ka qënë i siguruar nga firma e punimeve që shtetasi M. K. përfaqësonte.
Dashamir.H. 40 vjec nga Durresi ra nga kati i 3 duke gjetur vdekjen ne spital si pasoje e plageve te marra ne koke e trup.
Gjithashtu janë shpallur në kërkim policor administratori dhe drejtuesja teknike e firmës që kryente punimet, shtetasit I. K. dhe E. S., pasi nuk kishin marrë masa për zbatimin e rregullave të mbrojtjes në punë.
