Nënkryetari i LSI, Petrit Vasili tha se ka ardhur momenti që qeveria të pranojë publikisht se ka dështuar me strategjinë e ndjekur përballë pandemisë.

Në një deklaratë për mediat, Vasili tha se duke bërë autokritikë, qeveria do të ishte edhe më e besueshme për qytetarët për fjalët që thotë.

“Njëherazi qytetarët presin që të dëgjojnë nga qeveria, në kuptimin  jo thjesht polemik të fjalës po në funksion të së vërtetës. Ku nuk funksionoi strategjia e zgjedhur ? ku duhej vepruar  më shpejt e më mirë? Me një sens të fortë autokritik, e cila nuk ka të bëjë fare as me kapitalin politik të qeverisë dhe me asgjë tjetër por ka të bëjë me jetë njerëzish. Në këtë mes ky lloj sensi autokritik dhe një riformulim i strategjisë, do të bënte të besueshëm çdo mesazh dhe çdo masë që sugjerohet nga qeveria do i bënte qytetarët më solidarë dhe më lesues ndaj këtyre këshillave pasi është fakt që qytetarëve iu është thënë me të drejtë, mbani maskat, lani duart dhe mbani kufizimin fizik.”

Sipas numrit dy të LSI, pranimi i dështimit do të ishte një mesazh edhe për stafet mjekësore. Vasili deklaroi se në këtë mënyrë sot mjekët e infermierët po demoralizohen sepse nuk shohin rezultate.

Ai sugjeroi që të rikonceptohet trinomi testim-gjurmim-trajtim. Petrit Vasili rekomandoi që edhe mesazhet që jepen çdo ditë për zbatimin e masave të vijnë në një formë të re.

Leave a Reply

Your email address will not be published. Required fields are marked *