Kreu i grupit parlamentar i LSI, Petrit Vasili ka akuzar kryeminsitrin Rama se po u mbyll dyert e universiteteve studentëve.
Duke u ndalur tyek protesta që studentët po zhvillojnë kundër tarifave të provimeve të mbartura, Vasili në një postim në “Facebook”, deklaroi se studentët po përjashtohen nga auditorët me taksa dhe pagesa primitive.
Sipas kreut të grupit të LSI, ky sistem feudal universitar duhet shembur dhe dyert universitare duhen hapur për të gjithë të rinjtë.
“Kryeministri ju mbyll studenteve dyert e universitetit. Kryeminister inkuizitor. Me taksa dhe pagesa mesjetare po i perze studentet nga auditoret. Djersa dhe mundi i prinderve te varfer dhe te papune grabitet nga kryeministri dhe klientet e tij ne universitete me taksa dhe pagesa absurde. Ky sistem feudal universitar duhet shembur dhe dyert e universiteteve duhen hapur per mijra e mijra te rinj te zgjuar,te talentuar qe jane shpresa dhe e ardhmja e ketij vendi. Universitetet jane te studenteve dhe jo te qeverise”
