Ish-deputetja e PD, Izmira Ulqinaku sulmoi kryeministrin Edi Rama për çështje e Teatrit Kombëtar.
Me anë të një postimi në “Facebook”, Ulqinaku deklaroi se Rama kërkon të shembë godinën sepse dëshiron të vjedhë qytetarët.
“Piktori që e mban veten për artist, në vend që të ndërtojë godina të reja në shërbim të artit, kërkon të zhduk trashëgiminë kulturore. Teatri Kombëtar mbart historinë shpirtërore të vendit tonë prandaj ne e mbrojmë me forcë tempullin e kolosëve të artit. Ne nuk jemi kundër ndërtimit të një teatri të ri, por jo të shembet godina historike. E vetmja arsye për shembjen e Teatrit është afera korruptive dhe vjedhja haptas e 200 milionë eurove. Edi Rama ka ardhur në pushtet me vota të vjedhura, ka ardhur në pushtet për të vjedhur dhe po ikën si kryeministri hajdut, mbështetës i krimit e i grupeve kriminale.”
Ulqinaku u shpreh se kreu i qeverisë ka rrënuar totalisht ekonominë duke shembur çdo gjë.
