59-vjecari që humbi jetën duke notuar në plazhin e Velipojës është një punonjës policie nga Kosova.
Konfirmimi është bërë nga vetë komuna Shtime në Kosovë nëpërmjet një statusi në facebook ku I shprehen ngushellime familjes së të ndjerit.
Hasan Hysenaj ishte duke pushuar në plazhin e velipojes, por kjo e diele ishte tragjike për të dhe familjen, pasi punonjësi I policies u mbyt duke u larë në det.
Postimi i Komunës Shtime:
TELEGRAM NGUSHËLLIMI PËR FAMILJEN E POLICIT HASAN HYSENAJ
Shtime, 22 gusht 2021 – Me keqardhje morëm lajmin për ndarjen nga jeta të zyrtarit policor, Hasan Hysenaj nga fshati Petrovë.
Me këtë rast shprehim ngushëllimet të sinqerta familjarëve, të afërmve, kolegëve të punës dhe miqve të tij!
Do ta kujtojmë përherë Hasan Hysenajn, jetën dhe veprën e tij në shërbim të qytetarëve dhe të shtetit të Kosovës, përkushtimi i pashoq dhe profesionalizmi i lartë, ishin vyrtyt i tij, andaj, kujtimi për të do të jetë i përjetshëm!
