Palm Beach Pete është aktualisht pensionisti më i famshëm në SHBA, për shkak të ngjashmërisë së madhe që ai ka me Jeffrey Epstein. I moshuari u bë viral pak javë më parë ndërsa në rrjet qarkullonte një video e tij duke ecur me makinë, ndrësa komentet se Jeffrey Epstein është gjallë ishin të shumta.
Të menjëhershme ishin dhe reagimiet e konspiracionistëve, të cilët theksonin se njeriiu i skandaleve Jeffrey Epstein nuk është vetëvrarë. Por ishte vetë i moshuari i cili tha se nuk ka asnjë lidhje me financerin famëkeq, të përfshirë në disa skandale të rënda.
“Përshëndetje të gjithëve, unë jam Palm Beach Pete dhe videoja ime u bë virale sepse dikush më filmoi aksidentalisht duke ngarë makinën pa e ditur unë”, shprehet ai.
Sipas tij, jeta i ka ndryshuar ndjeshëm pas publikimit të videos, pasi ka marrë një numër të madh komentesh lidhur me pamjen e tij. Në video dëgjohet edhe një person që e pyet: “Pra, nuk je Jeffrey Epstein?”, ndërsa ai përgjigjet: “Unë nuk jam Jeffrey Epstein. Unë jam Palm Beach Pete.”
Në një intervistë për TMZ, pensionisti tregoi se në të kaluarën kishte marrë pjesë në disa evente ku kishte qenë i pranishëm edhe Epstein, por theksoi se nuk e kishte takuar apo biseduar kurrë me të. Ai e përshkroi atë si një figurë misterioze, për të cilën shumë njerëz nuk e dinin burimin e pasurisë.
“Jam një djalë i zakonshëm, në pension. Kam jetuar këtu për një kohë të gjatë, më pëlqen të luaj tenis dhe jam shumë shoqëror”, u shpreh ai. Ndërkohë, llogaria e tij e re në Instagram ka fituar mijëra ndjekës brenda një kohe shumë të shkurtër.
