Konsullata e Shqipërisë në Milano i shërben edhe shqiptarëve të Kosovës. Për ministrin për Europën dhe Punët e Jashtme Ditmir Bushati, kjo konsullatë, e cila u vjen ne ndihme rreth 400 mijë shqiptarëve, ka pësuar një transformim në pajisje e në shërbime.
Zyra konsullore shërben edhe për informacione mbi zhvillimet në Shqipëri, si dhe çka ofron vendi për të tërhequr investitorë e turistë.
Në zyrën konsullore qytetarët shqiptarë kanë mundësinë të marrin dokumentet pa pasur nevojë të udhëtojnë në vendin e tyre. Në fillim të këtij viti, është dixhitalizuar i gjithë aktiviteti konsullor nga përfaqësitë diplomatike, duke ofruar 36 shërbime online.
