Tragjike në parkun e lojërave në Kolumbi, 28-vjeçarja humb jetën pasi bie nga rrëshqitësja
Një grua 28-vjeçare humbi jetën tragjikisht në një park argëtimi në Kolumbi pasi ra nga një lartësi rreth 4.5 metra gjatë zbritjes në një rrëshqitëse.
Sipas raportimeve, pak para zbritjes fatale, në një video shihet 28-vjeçarja, Juris Kristel Garcia Manrique, duke shprehur shqetësimin e saj dhe duke pyetur punonjësit e parkut: “A do të më kapë dikush?”. Operatori i lojës i është përgjigjur: “Po, mos ki frikë”, para se ta lejonte të zbriste me shpejtësi në rrëshqitësen e parkut Entre Flores.
Në të njëjtën video, gruaja nënë e një vajze 4-vjeçare shihet duke nisur zbritjen. Vetëm disa sekonda më pas ajo del nga rruga e rrëshqitëses në një kthesë dhe bie në boshllëk.
Tragedia en Chinácota: mujer muere tras accidente en tobogán
ReklamëUna mujer de 28 años, identificada como Yiris Cristel García, oriunda de Tibú, Norte de Santander, perdió la vida en Chinácota, Norte de Santander, tras lanzarse de un tobogán en una atracción turística.
Según los… pic.twitter.com/3nMvUHwbtO
— EL INFORMÁNTE CÓRDOBA ????️????????♂️ (@elinformanteCor) March 7, 2026
“Ra?” dëgjohet të pyesë dikush në video. Sipas informacioneve paraprake, 28-vjeçarja ra nga një lartësi rreth 4.5 metra, duke pësuar lëndime shumë të rënda në tru, bark dhe gjoks.
Ajo ndërroi jetë gjatë transportimit drejt spitalit për shkak të plagëve të rënda. Autoritetet kanë nisur tashmë një hetim për të zbardhur rrethanat e ngjarjes.
/vizionplus.tv
