Aksident tragjik me dy persona të vdekur në periferi të Korçës.
Ngjarja ka ndodhur në orët e mbrëmjes, në vendin e quajtur ish ferma.
Dy persona, Sokol Hoxha së bashku me vajzën e tij 6 vjeçe, kanë humbur jetën duke qënë thjesht kalimtarë. Burime pranë ngjarjes thanë se babë e bijë po kalonin në trotuar. Aksidenti ka ndodhur nga përplasja e dy mjeteve.
Fillimisht një mjet tip ‘ Fuoristradë është goditur me një makinë tjetër që ecte në të njëjtin drejtim me të.
Nga humbja e kontrollit, fuoristrada ka dalë nga rruga dhe për shkak të shpejtësisë doli në trotuar. Sipas të dhënave, Sokol Hoxha reth 33 vjeç dhe vajza e tij 6 vjeçe P.Hoxha janë marë para nga Fuoristrada për gati 30 metra duke pësuar vdekjen e menjëhershme.
Policia tha se ka shoqëruar dy drejtuesit e mjeteve që u përplasën dhe shkaktuan aksidentin e rëndë.
