Në mbledhjen e tij të parë të NATO-s, sekretari i ri amerikan i Shtetit, Rex Tillerson dënoi sot kur mbërriti në Bruksel, agresionin e Rusisë kundër fqinjit të saj ukrainas.
“Ne duam të kemi një diskutim për sa i përket pozicionit të NATO-s këtu në Evropë, në veçanti në Evropën Lindore si përgjigje ndaj agresionit të Rusisë në Ukrainë dhe vende të tjera”, deklaroi ministri i Punëve të Jashtme i presidentit Donald Trump, i cili ka shprehur përlqimin për t’u afruar me Putinin.
Uashingtoni, nën administratën e presidentit Barack Obama, i dënoi dhe sanksionoi që prej vitit 2014 agresionet e Moskës në Ukrainë, kryesisht aneksimin e Krimesë.
Kjo linjë vazhdon të mbahet për momentin edhe nga administrata Trump, ku sekretari i Shtetit Tillerson është i afërt me Vladimir Putin, falë lidhjeve që kishte krijuar kur ishte drejtori i kompanisë së naftës “ExxonMobil”.
