Adriatik Lapaj, deklaroi para zgjedhjeve të 11 majit se nuk do të merrte mandatin e deputetit nëse koalicioni “Nisma Shqipëria Bëhet” do të mbetej me një mandat në Tiranë. Në zgjedhjet parlamentare, “Shqipëria Bëhet” arriti që të siguronte vetëm një mandat. Në total, arriti të merrte 49464 vota.
Endri Shabani, kryetar i “Nisma Thurje”, bashkëdrejtuesi i koalicionit “Shqipëria Bëhet” i ftuar në “Quo Vadis” në Vizion Plus nën moderimin e Pranvera Borakajt, tha se ende nuk është diskutuar nëse Lapaj do ta marrë mandatin apo jo. Megjithatë ai theksoi se nuk ka rëndësi kush hyn në parlamnet.
Endri Shabani: Nuk e kemi diskutuar këtë pjesë. Nuk besoj se ka ndonjë rëndësi se kush hyn në parlament./vizionplus.tv
