Tërmeti i fundit me lëkundje në të gjithë Shqipërinë ka rikthyer edhe njëherë dëmet nga kjo fatkeqësi natyrore. Masa të menjëhershme janë ndërmarë jo vetëm për strehimin emergjent në dy zonat më të goditura të Durrësit dhe Tiranës por edhe për verifikimin e pasojave.
Një urdhër që ka nisur të zbatohet një ditë pas tërmetit nga Autoriteti Rrugor Shqiptar ka qënë ai për verifikimin e gjendjes së rrugëve kombëtare dhe urave.
Vizion Plus mëson se drejtoria e rajonit jugor të sektorit të rrugëve ka inspektuar të gjitha urat kryesore dhe rrugëve që lidhen me to.
Gentian Pere, përgjegjës I këtij sektori, bëri me dije se u inspektuan 15 ura të mëdha e të mesme në të gjithë rajonin. Ai deklaroi se gjendja e tyre ka rezultuar normale dhe pa rrezikshmëri qarkullimi.
Ndërkaq, në Qarkun e Korçës raportohet prej institucioneve shtetërore se nuk janë regjistruar dëme materiale nga tërmeti I një dite më parë.
