19 persona kanë mbetur të vrarë nga sulmet e fundit izraelite në Gaza.
Zëdhënësi i mbrojtjes civile, Mahmud Bassal, tha se sulmet goditën ndërtesa dhe tenda ku strehohen palestinezët e zhvendosur në disa lagje dhe në periferi të qytetit.
Sipas Organizatës së Kombeve të Bashkuara më shumë se një milion persona po përballen me zinë e bukës.
Tel Avivi ka rritur shkallën e bombardimeve që kur paralajmeroi nisjen e një ofensive për ta pushtuar Gazën.
Izraeli pret që ofensiva e re të detyrojë rreth një milion persona të zhvendosen drejt jugut të Rripit të Gazës.
Si pasojë e luftës në Gazë janë vrarë më shumë se 64.000 palestinezë sipas shifrave të prezantuara nga Ministria e Shëndetësisë që udhëhiqet nga Hamasi, shifra që edhe nga Organizata e Kombeve të Bashkuara vlerësohen të besueshme./vizionplus.tv
