Presidentja e përkohshme Delcy Rodríguez ka marrë përsipër drejtimin e Venezuelës, pas arrestimit të Nicolás Maduro dhe bashkëshortes së tij.
Delcy Rodríguez dhe vëllai i saj, Jorge Rodríguez, aktualisht kreu i Kongresit, kanë qenë figura në rritje në skenën politike që prej momentit kur Maduro mori detyrën në vitin 2013.
Lexo edhe :
Related Posts
Ministri i Mbrojtjes i Venezuelës, Vladimir Padrino, deklaroi në televizionin shtetëror se ushtria i ka dhënë mbështetje të plotë zëvendëspresidentes Delcy Rodríguez për të ushtruar detyrën si Presidente e përkohshme e Venezuelës.
Ndërkohë, Kristi Noem, drejtoreshë e Departamentit të Sigurisë Kombëtare të SHBA-së, deklaroi për Fox News se Presidenti Donald Trump po zhvillon biseda me Presidenten e Përkohshme të Venezuelës, Delcy Rodríguez, lidhur me drejtimin e vendit.
Mësohet se Trump e ka paralajmëruar drejtpërdrejt Rodríguez, duke theksuar se nëse ajo nuk bën atë që është e drejtë, do t’a pësojë shumë keq.
“Nëse Delcy Rodríguez nuk bën atë që është e drejtë, ajo do të paguajë një çmim shumë të lartë, ndoshta më të lartë se Maduro”, ka deklaruar Trump, sipas mediave të huaja.
Lidhur me të ardhmen e Venezuelës, ai tha se “ndryshimi i regjimit, është më i mirë se ai që keni tani. Nuk mund të bëhet më keq”.
/vizionplus.tv
