Presidenti Ilir Meta iu është përgjigjur deklaratave të kryeministrit Edi Rama bërë nga takimi me të rinjtë e Tiranës, ku tha se “patronazhistët e dinë që Presidenti do dalë nga kjo fushatë i rruar dhe i qethur”.
Duke e cilësuar Ramën një “kryefuks”, Meta tha se regjimi i fuksave ka mbaruar.
Sipas Metës, referendumi për rivendosjen e demokracisë do triumfojë shumë bindshëm!
“Të dashur “patronazhistë”. Mos e dëgjoni Kryefuksin se regjimi i fuksave ka mbaruar! Kryefuksi e di më mirë se kushdo tjetër. Nga djali i atij, që firmosi varjen e poetit Havzi Nela dhe për të cilin u shpreh krenar, që ishte në anën e duhur të historisë, shqiptarët nuk mund të presin asnjë reflektim dhe garanci për respektimin e shtetit ligjor dhe të drejtave të tyre kushtetuese. Të gjithë me qetësi dhe vendosmëri drejt 25 Prillit! Referendumi për rivendosjen e Demokracisë do triumfojë shumë bindshëm!”
