Sulmet SHBA-Izrael në Iran, BE: Situata shumë shqetësuese, palët të përmbahen

Presidentja e Komisionit Evropian Ursula von der Leyen dhe Presidenti i Këshillit Evropian Antonio Costa kanë thënë se zhvillimet në Iran janë “shumë shqetësuese”.

“U bëjmë thirrje të gjitha palëve të ushtrojnë përmbajtje maksimale, të mbrojnë civilët dhe të respektojnë plotësisht ligjin ndërkombëtar.

Në koordinim të ngushtë me shtetet anëtare të BE-së, ne do të ndërmarrim të gjitha hapat e nevojshëm për të siguruar që qytetarët e BE-së në rajon të mund të mbështeten në mbështetjen tonë të plotë“, , thanë të dy udhëheqësit në një deklaratë të përbashkët.