Kur e gjithe bota eshte ne izolim prej pandemisë se koronavirusit, Suedia vazhdon jeten e përditshme normale.
Megjithëse grumbullimi i më shumë se 50 personave u ndaluan të dielën, restorantet, baret dhe dyqanet dhe pubet ende u shërbejnë klientëve. Nderkohe qe Shkollat e mesme dhe universitetet kanë mbyllur dyert, vendi është një nga te paktit në Evropën perëndimore ku shkollat fillore mbeten të hapura.Suedia ka regjistruar më shumë se 4,900 raste koronavirus dhe 239 vdekje. Por qeveria u ka kërkuar vetëm atyre që janë të sëmurë ose në grupe në rrezik të qëndrojnë në shtëpi.
Kryeministri Stefan Lofven u ka kërkuar njerëzve që të “marrin përgjegjësi” duke ndjekur udhëzimet shëndetësore, siç është larja e rregullt e duarve dhe të izolohen nëse sëmuren në vend që të zbatojnë masa të rrepta distancimi social.
Sondazhet kanë treguar që shumica e suedezëve mbështesin qasjen e qeverisë. Por nga ana tjeter ka kritika ne vend mes frikës që Suedia mund të ekspozojë veten në rrezik ekstrem. Javën e kaluar, një grup zyrtarësh të lartë të shëndetit i dërguan një letër qeverisë duke kërkuar masa më të forta. “Kombi ynë nuk duhet të jetë përjashtim në Evropë,” thuhej ne leter.
“Ne kërkojmë që qeveria jonë të ndërmarrë veprime tani!” u shprehen zyrtaret. Ne dallim nga fqinjët e saj Danimarka, Finlanda dhe Norvegjia, Suedia nuk ka mbyllur kufijtë madje as bizneset.
