Një student po paguan të gjitha shpenzimet e universitetit vetë falë një video-loje që ai krijoi në dhomën e gjumit. Josh Wood është vetëm 19-vjeç, por është truri që qëndron pas lojës “Dev Life”, e cila është një nga lojërat më të suksesshme në Roblox. Ai e krijoi lojën në vitin 2017 dhe është luajtur më shumë se 1 milionë herë.
“Unë fillova ta përdor Roblox si lojtar shtatë vjet më parë kur isha 13 vjeç, pasi shoku im më tregoi për një faqe në internet. Për rreth një vit, unë kryesisht luaja lojëra që kishin krijuar njerëz të tjerë derisa kuptova se përmes platformës Roblox mund të mësoja lehtësisht gjuhën e programimit dhe të filloja të krijoja edhe unë lojën time.”
Loja gjeneron para për Wood në disa mënyra të ndryshme. Në këtë mënyrë ai mund të paguajë edhe tarifat e shkollës vetë.
“Së pari, lojtarët mund të blejnë produkte brenda lojës, të tilla si monedha shtesë në lojë ose objekte dhe unë marr një pjesë të të ardhurave nga kjo. Unë kam nënshkruar edhe një marrëveshje licencimi me Roblox për të prodhuar disa lodra reale që janë pjesë e lojës time. Dhe nga kjo unë përfitoj.”
