Marrëveshja e re BREXIT e dakordësuar në Bruksel dy ditë më parë, do të shkon në parlamentin britanik për t’u konfirmuar nga ligjvënësit e më pas do të duhet që edhe Parlamenti Europian ta miratojë atë.
Terreni politik duket i vështirë, pas deklaratave të partive opozitare të cilat planifikojnë të votojnë kundër marrëveshjes.
Pak orë përpara se dhoma e ulët në parlament të vendosë, kryeministri Boris Johnson i ka bërë thirrje deputetëve që të mbyllet ky kapitull sa më parë në mënyrë që qeveria të fokusohet në prioritetet e tjera të vendit.
BORIS JOHNSON
KRYEMINISTER I BRITANISE SE MADHE
“Kjo është mundësia jonë për ta çuar BREXIT deri në fund dhe të largohemi njëherë e mirë më 31 tetor. Kjo është mundësia e vendit tonë dhe e njerëzve tanë për tu fokusuar në prioritetet e tjera që janë lënë mënjanë. Kemi arritur një marrëveshje të shkëlqyer që na kthen kontrollin e ligjeve tona, parave dhe tregut, duke vendosur edhe një marrëdhënie të qëndrueshme me BE. Besoj se populli ynë do të marrë frymë lirisht nëse ne të gjithë bashkë arrijmë t’ia dalim këtë herë.”
Seanca e parlamentare e kësaj te shtune përbën mundësinë e fundit për kryeministrin Johnson që të miratojë marrëveshjen për Brexit dhe të largojë vendin nga blloku evropian më 31 tetor.
Nëse deputetët refuzojnë planin e tij, atëherë bazuar në një ligj të miratuar nga ligjvënësit, Johnson detyrohet të kërkojë shtyrje të datës për BREXIT deri më 31 janar të vitit 2020, pavarësisht se ai ka insistuar se nuk do ta bëjë një gjë të tillë.
