Prej tre vitesh impianti i përpunimit të ujërave të ndotura në Qerret të Kavajës ka dalë jashtë përdorimit, pasi ka pësuar degradim të plotë dhe si rrjedhojë ujërat derdhen në det të papërpunuara.
Impanti i cili gjendet midis fshatrave, Qerret dhe Karpen të Kavajës, është ndërtuar që në vitin 2005 dhe që nga ajo kohë nuk ka pasur mirëmbajtje apo riinvestim tek pjesët e dëmtuara.
Altin Çopa, Drejtori i Ujësjellës Kanalizime Kavajë justifikohet se që nga momenti që ai është emëruar në këtë detyrë, impianti ka qenë jashtë funksionit.
ALTIN ÇOPA
DREJTOR I UKK
Impianti i ujërave të ndotura gjatë kohës ka pësuar goxha dëmtime. Qëkur unë kam ardhur këtu në pozicionin e drejtuesit. Në muajin prill kam bërë kërkesë tek Bashkia e Kavajës dhe tek AKUM për të bërë një financim dhe për ta vënë në punë.
Sipas drejtorit Çopa, i cili më lart tha se impianti është jashtë funksionit, lidhi tërmetin e 26 Nëntorit si shkak të derdhjes së ujërave në det.
ALTIN ÇOPA
DREJTOR I UKK
Ka probleme sepse edhe për shkak të tërmetit që me datë 26 Nëntor një nga filtrat është anuar dhe kjo ka çuar në mosfunksionimin e impantit dhe pjesën tjetër e ka në rregull. Pjesën e pajisjeve dhe atë elektrike e ka në rregull.
Ujërat e ndotura që vijnë nga qyteti i Kavajës derdhen në plazhin e Karpenit dhe Qerretit duke shkaktuar ndotje të rëndë të bregdetit dhe askush nga autoritetet nuk kanë marrë asnjë masë për zgjidhjen e kësaj situate.
