Policia e Tiranës ka arrestuar një 26-vjeçar, i cili shpërndante doza kokaine, në Tiranë.
Në kuadër të operacionit “Mesnata” u arrestua në flagrancë shtetasi I. Rr., 26 vjeç, banues në Tiranë.
Në rrethrrotullimin e Rinasit, pas mesnate, shërbimet e Policisë kanë lokalizuar dhe ndaluar automjetin me drejtues shtetasin I. Rr. Gjatë kontrollit fizik dhe në automjet, u gjetën sasi lënde e dyshuar narkotike kokainë, një pjesë e ndarë në doza, gati për shitje, dhe 3180 euro dhe 48 000 lekë.
Nga hetimet ka rezultuar se ky shtetas, pasi siguronte lëndë narkotike, e shpërndante atë në doza, në zona të ndryshme të Tiranës./vizionplus.tv
