Ambasadorët e Shteteve të Bashkuara të Amerikës dhe të Bashkimit Evropian, Yuri Kim dhe Luigi Soreca zhvilluan një takim me Inspektorin e Lartë të Drejtësisë, Artur Metani.
Takimi u njoftua nga vetë ILD. Metani ka diskutuar me diplomatët për detyrat dhe sfidat e Inspektoratit të Lartë të Drejtësisë.
ILD është përgjegjës për verifikimin e ankesave, hetimin e shkeljeve disiplinore dhe fillimin e procedimit disiplinor ndaj gjyqtarëve dhe prokurorëve. Yuri Kim dhe Soreca shprehën mbështetje për punën e ILD.