Rrezohet kërkesa e tregtarëve

Gjykata Kushtetuese ka rrëzuar kërkesën e Shoqatës per Mbrojtjen e tregtarëve për pezullimin e ligjit për taksat vendore, ndërkohë që do të vijojë shqyrtimin mbi kushtetutshmërinë e tij. Tregtaret ankohen se me rritjen e taksave ky ligj rrënon biznesin. Përfaqësuesit e avokaturës së shtetit argumentuan se ligji nuk ka asnjë shkelje kushtetute, ndërsa pezullimi do të cenonte sigurinë buxhetore dhe të ardhurat. Palë në kërkesën për rrëzim të ligjit për taksat vendore ishte edhe Dhoma e Tregtisë, e cila në nisje të seancës deklaroi tërheqjen e saj.