Qytetaret shqiptare kane perceptimin se klasa politike ne vend është e korruptuar. Ne një raport te transparence international, Shqipëria renditet nje nder tre vendet, ku deputetet e parlamentit konsiderohen te korruptuar. Kështu mendojnë 55 perqind e te anketuarve. Vendi ynë pozicionohet i treti pas Moldavisë dhe Ukrainës. Ata pranojnë gjithashtu se paguajnë ryshfet ne këmbim te shërbimeve publike. Por rreziku ndaj korrupsionit perceptohet si mesatar dhe jo nder tre problemet kryesore te vendit. Persa i përket përpjekjeve te qeverise per ta luftuar këtë fenomen, ato vlerësohen ne nivelin mesatar. Ne raportin “Njerëzit dhe korrupsioni” janë intervistuar 60 mije persona nga 42 vende te Europes dhe Azisë Qendrore, 1500 prej te cilëve ne Shqipëri per periudhën janar-mars 2016.
