Rubrikën e komunikimit javor kryeministri ia ka dedikuar ketë here emigrantëve. Jo me nga zyra e tij por nga terreni ku ndodhet per fushate, Edi Rama kërkoi mbështetjen e atyre që sot jetojnë e punojnë jashtë Shqipërisë.]
“Ngrini telefoni, flisni me të afërmit tuaj, familjarët miqtë, e shokët tuaj dhe bëjini 10 vota të sigurta për ne, që ne t ë fitojmë për një Shqipëri më të mirë, me mirëqenie më të mirë që ne të dhjetëfishojmë përpjekjet tona në rrugën e shtruar për fëmijët tanë. Na votoni ne që kemi punë e bëjmë punë, e jo ata që janë pa punë e që s’kanë lidhje me këtë punë.”
Edi Rama u shpreh se kjo është hera e fundit kur emigrantët nuk do të mund të votojnë për Shqipërinë, pasi puna për regjistrimin e tyre tashme ka nisur.
“Kjo është hera e fundit besoj për ju emigrantë që nuk votoni dot nga vendi ku ndodheni, motra dhe vëllezër emigrantë. Sepse ne kemi nisur punën për të regjistruar ju që jeni jashtë, që ju të votoni. T’ju regjistrojmë pasi për çerek shekulli ju nuk pyeti kush, nuk ju deshi kush, nuk ju llogaritën kurrë në vendim marrjen e një vendi, në zgjedhjet politike.”
I ndërgjegjshëm se duhej bërë më shumë shefi i qeverisë, tha se 25 qershori duhet të jetë dita e flamurit kuq e zi dhe jo e atyre që ndahen në flamuj politikë.
“Nëse edhe ju do të na jepni votën tuaj duke na mbështetur, mua dhe PS për të pasur më shumë pushtet, jo për veten por për Shqipërinë, për flamurin. Për flamurin e Ismail Qemalit, për atë flamur që ju e doni shumë që nga larg, që ndjeni krenari, mall e dhembje, për flamurin që duhet të ngulim në oborrin e shtëpisë se europës së bashkuar.
Sipas Rames pa që pa Shqipëria nuk do t’i kishte mbijetuar dot krizave të tranzicionit.
