Kryeministri Edi Rama ndodhet në Ankara në samitin e NATO-s, ku krerët e shteteve dhe qeverive të vendeve anëtare të aleancës diskutuan rreth sfidave aktuale të sigurisë dhe prioriteteve strategjike.
Përpos mbledhjes së nivelit të lartë, kreu i qeverisë zhvilloi dhe një sërë takimesh ku i pari ishte në nisje të Samitit, me kreun e aleancës, Mark Rutte.
Rama pati takim edhe me presidentin turk Erdogan, i cili është dhe mikpritësi i samitit të këtij viti.
Pas hapjes së sesionit u realizua fotoja familjare e liderëve pjesëmarrës. Kreu i qeverisë shqiptare ishte krah presidentit turk Erdogan, ndërsa aty ishin edhe udhëheqës të tjerë botëror si Presidenti amerikan Trump dhe ai francez Macron.
Në Ankara, shefi i ekzekutivit u shoqërua nga delegacioni shqiptar me Ministrin e Jashtëm Ferit Hoxha dhe atë të mbrojtjes Ermal Nufi. Gjithashtu me kërkesë të NATO-s, javën që lamë pas qeveria shqiptare rriti buxhetin për mbrojtjen, me një shifër prej 10.3 miliardë lekësh.
Kjo pjesëmarrje e Ramës riafirmon angazhimin e Shqipërisë si vend anëtar i NATO-s për të kontribuar në forcimin e sigurisë kolektive dhe në përballimin e sfidave të përbashkëta të Aleancës.
