Partia Socialiste ka vendosur të shtyjë mbajtjen e kongresit të saj zgjedhor. Mbledhja e socialistëve, ishte parashikuar të zhvillohej këtë të shtunë, më datë 29 prill. Por klima e rëndë politike duket se ka detyruar lidershipin socialist të marrë vendimin për të shtyrë me disa ditë thirrjen e kongresit. Në këtë forum pritet të bëhet publike lista e kandidatëve për deputetë, me të cilën PS do të shkojë në zgjedhjet parlamentare të 18 qershorit. Ndërkohë, PS do të respektojë afatin ligjor për dorëzimin na KQZ të listës së kandidatëve, afat i cili përfundon më 29 prill.
