Mijëra protestues të dhunshëm u mblodhën sërish këtë të shtunë në Bejrut duke kërkuar drejtësi për viktimat e shpërthimit apokaliptik në port.
Demostruesit thyen rrethimin para ndërtesës së parlamentit dhe u perplasen me policine e cila perdori gazin lotsjelles per ti shperndare.
22 persona u dërguan në spitale për shkak të dhunës gjatë përleshjeve.
Ushtria Libaneze u ka bërë thirrje protestuesve të mos dëmtojnë pronën publike dhe private, por protestuesit e zemëruar kanë kundërshtuar autoritetet dhe kanë bërë thirrje për hakmarrje dhe ekzekutimin e politikanëve përgjegjës per tragjedine e rende.
158 qytetarë humbën jetën pas shpërthimit në Portin e Bejrutit 4 ditë më parë, ndërsa më shumë se 6 mijë të tjerë mbetën të plagosur.
Autoritetet kanë bërë të ditur se më shumë se 300 mijë qytetarë kanë mbetur të pastrehë pas shkatërrimit te banesave te tyre.
Nga ana tjetër president i Libanit i ka hedhur poshtë propozimet për nisjen e hetimeve ndërkombëtare. Në një deklaratë për mediat ai ka thne se shkak I shpërthimit mund të jetë neglizhenca, por nuk ka përjashtuar mundësinë e hedhjes së një rakete.
MICHEL AOUN
PRESIDENT I LIBANIT“Ekzistojnë dy skenarë të mundshëm për atë që ndodhi: neglizhenca ose ndërhyrja e huaj përmes një rakete ose bombe.”
Ndërkohë në Bejrut ekipe shpëtimi nga Franca, Rusia, Gjermania, Italia dhe vendet e tjera janë duke punuar ende në rrënoja. Ministria e Shëndetësisë ka bërë me dije se më shumë se 60 persona rezultojne ende të zhdukur dhe se 120 nga të plagosurit, janë në gjendje kritike për jetën. Ndërsa Bejruti ndodhet përballë një krize humanitare, presidenti francez Emmanuel Macron do të organizojë të dielën konferencën e donatorëve për mobilizimin dhe ndihmën e në rindërtimin e vendit.
